مش هقول الغرب صعبة مش هقول مهما ليل الغربة يقسى او يطول
مش هقول انى مشيت مش هقول انى قاسيت والطريق طويل طويل
كل ثانية بالف ساعة كل خطوة بالف ميل وانت يا قلبى الصغير شايل الحمل التقيل
علمتنى الغربة
علمتنى الغربة انسى كل حاجة الا حاجة واحدة هى عندى كل حاجة
هى بلدى علمتنى انسى حتى الابتسامة انسى اضحك
علمتنى ابكى ياما علمتنى اشتاق لإسمك فى الأغانى والموانى والمبانى
علمتنى اشتاق لاسراب الحمام والزحام والكلام والمصانع والجوامع
والأذان والطريق والصديق اللى صان
علمتنى الغربة افكر فى اللى فات علمتنى اشتاق لنيلك والنيات
واللى ماشى على الصراط واللى قاعد والمناقد والبساط
علمتنى اشتاق لشمسك ولدفاكى والليالى والقمر ونجوم سماكى
وانعكاس الضى فى حضن المراكب والمواكب
علمتنى قد اية فيكى الامان والحنان
علمتنى اشتاق لخيرك فى الغيطان
والسواقى واللى ساقى
واللى واقف فى القنايا والصبايا ام طرحة ام فرحة على الوجوة
علمتنى ازاى اتوة لما افكر فى الرجوع علمتنى إزاى اجوع
لأجل ما أرجعلك يا بلدى لأجل ما أكل من ترابك لأجل ما أشرب من سحابك
علمتنى أشتاق لحاجة جاية منك أى حاجة فيها رحتك تحكى عنك
علمتنى قد اية حبك فى دمى حب اكبر من هوايا حتى امى
الحقيقة حب اكبر مهما اكتب ولا اعبر مش هصور
علمتنى الغربة انى لما افوتك
ابقى جانى
ابقى فانى
أبقى بأستخر شقايا
وانت احلى انت اولى
انت ترنيمة غنايا
علمتنى فوق حسور الخوف اعدى مهما طال فى البعد سهدى
علمتنى لما ارجعلك يا بلدى
اوهبك عقلى وروحى
كل ما أملك وأدى
علمتنى انى أدى