هذي انواع البنااااااااااااات في المسنجر والرومات الصوتية
هذي انواع البنااااااااااااات في المسن :
(العاقلة )
لما تفتح ماسنجرها ماتكلم حد.. تنتظر الكل يرحب فيها وهي تبتسم وتقول شكرا..
واذا حد ارسل لها فايل او رابط اغنية حطت له علامة استفهام وتسكت نص ساعه ماتكلمه..
ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه.
وضحكتها عبارة عن ابتسامه واذا كانت فرحااانه كثير تحط ثلاث ابتسامات.
( ماشاء الله عليها عقل كبير وحجم الفيل )
(صاحبة المصلحة )
ماتسلم عليك الا مرة في الشهر.. تدخل عليك فجأه وتحط لك ورده.. مع انها كل يوم اون لايب بس ساكته..
وتحط لك away او busy .....واذا احتاجت مساعدة تجيك وتسلم عليك وتقول وينك من زمان ماشفتك؟ شو بلاااك ماتسال علي؟
ترى اختي كل يوم تفتح ماسنجري واوصيها تبلغك السلام لاني مشغووولة حدي في الدراسة.. اوووووووووووووووة حلوه الترقيعه
وبعد ماتخلص مصلحتها تقولك عن اذنك بروح اكمل مذاكره واختي بتجلس مكاني لاتكلمها بليز اووووووووووووووة
(اخلاق عالية وفنانة تمثيل )
(الرسمية)
ترتب المجموعات الى قسم العائله و قسم الزملاء فقط.. طبعا مافيه قسم اصدقاء.. واغلب كلامها مثل.. احترم نفسك..
رجاء هذي امور خاصة فيني.. ولما تسالها شخبارك؟ ترد انا بخير وتسكت.. واذا سلمت عليها ترد وعليكم وتسكت..
ولما تعطيها اهداء تقولك شمعنا انا بالذات؟ ايووووة ياحياة الشقا.. واغلب وقتها تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس.
( ثقلانة الست وهي بتحي مع الي اصغر منهاااا )
( الهبلة )
هذي كل مواضيعهااا ضحك.. وكل شوي تكتب نكته و لا تضحك برحها بعد .. وضحكتها طويله تقريبا ثلاث سطور..
واغلب كلامها بالصور.. تستخدم كل صور الماسنجر وغلطاتها الاملائية كثيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد..
وتقرا العناوين الرئيسية في الجريدة وتجي تسال عنها.. يتحرونها متابعة الاحداث العالمية خخخخخخ.
وكل شوي تغير الصورة الجانبيه.. والنك.. ولون الخط لوووول.
( افهم لية بتضحك بدون سسسبب)
ا ( الدفشِِِِِِِِِِِه)
تغيب أيام طويلة مدري وين تروح وترد فجأة.. وكلماتها مثل.. شو اخبار امك عساها طيبة؟ انجب واسكت .. انجلع .. اجلب ويهك.. لاتزعل من خويتك ترانى اتمصخر..
ودايم تطيح الميانة.. وثقافتها ماتعدى المتوسطه.. وتفكيرها في البر ووالتشويح بالموتر ولاتفوتك سوالفها عن الدرجات .. وتمووت في اغاني على بن روغه >>> واونها اطورت تسمعلك ميحد
وماتعرف من العطورات غير دهن العود ابوعشرين.. ولو كلمتها عن ماركة قوتشي او ديور بتقولك مقاطعة الامريكان.. وضحكتها >> هع هع هع
وتكتب بلون اسود لانها ماتعرف تغير الالوان هههههع هع هعهعخهخعخعخعخخعخعخخعخعخعخع
( الطبيخة )
طباخة شاطرة وتحب تحكي عن الاكل.. ودايم جوعانة .. ونقطة ضعفها جالكسي جواهر والاندومي.. وقبل موعد العشا بساعه يكون مزاجها متعكر ودايخه و تسولف من غير نفس..
ولما ينادونها على العشا تكر المسن بسرعة البرق.. لوووول وعادة يكون نكها فراولة او شوكولاته أنيقة او رمانه مخصرة..
ودائما تتكلم عن تجاربها الفاشلة في الريجيم هع.. مستحيل تشوفها في النهار لان الجو حار.. اوقاتها من العصر وساير... دمها خفيف ومرهفة المشاعر وأقل موقف ممكن يبكيها.
(البريئه)
عمرها يكبر وعقلها مايتغير.. بعدها ياهل وعلى نياتها.. توثق في كل الناس وبسرعة تتأثر.. وكل يوم تسألك كم عمرك؟
تعشق توم وجيري وسفونك بانثر و تحب تحكي عن الأزياء والتسريحات.. تتواجد في العصر و المغرب لانها تنام بدري.. ماعدا يوم الخميس طبعا هع
شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها باسرارك بتفضحك في كل المنتديات نا بتخلى متندى ما يرمس عنك .. لا ابشر بتخلييك اشهر من نار عالعلم
تخاف من الأرنب والقطوه و أي شي يمشي على اربع رجلين .. حتى انت لو تمشي على اربع بتخاف منك هع.
( البشعة )
اسمها الحقيقي عطيات او طنجرة او عنبره او رقيه.. ويعايرونها في البيت ام ضرس او الحولا او البطه او العورااااا
وتجي تدخل المسن او لها تدلع وتقول اسمي الجوهره أو مشاعل او فاتن او شهد او ريم.. ودايم تنتقد و مايعجبها العجب.. واذا شافتك مشغول انواع الضرايب والشتايم
واذا عطيتها وجه انواع التقفيط والزعل
تحتار كيف ترضيها.. تعطيها اغنية تقولك ماحب الاغاني..>> وهي من ورا ما تخلى اغنيه ما تسمعها
تعطيها كرت تقولك انا مو بزره قدامك.. تشبه سنفور غضبان كل شي يضايقها وكل شي يزعلها..
تكره اليسا ونانسي وتموت في اغنى ام علايه والربشه .. ماتعرف تجامل ولاتمدح الا نفسها.. دايم توصف نفسها بالجمال والرشاقه..تختار اسماء مثل الدلوعة.. الفاتنة.. الماسة.. أميرة.. الى اخره.
(المتزوجة )
هاااي ممكن تكون سبب في كرهك للزواج.. كل كلامها عن مشاكل الزواج و قرف اولادها .. وفجأة تقولك برب وتروح تصرخ على اولادها وترجع
وكل يوم تسألك متى ناوي تتزوج عشان نفرح فيك؟ واذا وصل زوجها للبيت ترقع المسن في وجهك وتطلع من غير ما تقولك باي لوووول..
اوقاتها مختلفه مالها وقت محدد.. بتقرفك بصور اولادها في المسن جنها تحبهم لوووول.. شعارها يازين حياة العزوبيه
نكها مثل المهمومه.. الجريحه.. المهاجره.. ومره تضحك ومره تبكي واحيانا تنام على الكي بورد هع هع.